Bədənimiz yazda bakteriya və virus hücumlarını heç dayanmadan dəf etmək məcburiyyətindədir; bu səbəblə də yaz immunitet sistemimiz üçün çətin bir dövrdür. Ardını oxuyun...
Yazda orqanizmin stresə düşmədən effektiv bir şəkildə işləməsinə həmişəkindən daha çox kömək etməlisiniz.
İmmunitet sisteminizin dincəlməsinə imkan verin. İmmunitet və yaxşı bir yuxu yatmaq bir-birinə bağlı iki şey olduğu üçün xroniki yuxusuzluq immunitetə zərər verə, nəticə olaraq da bədənin adi bir soyuqdəymə ilə mübarizə aparmaqda belə çətinlik çəkməsinə səbəb ola bilər.
Nə qədər əhəmiyyətsiz görünür-görünsün, immunitet sisteminizi daha yaxşı qorumağın ilk addımı daha sağlam bir həyat tərzi keçirməkdir. Bu səbəbdən siqareti atın, yetərli miqdarda tərəvəz və meyvə istifadə edərək balanslı qidalanın, diqqətli bir şəkildə idman edin, təzyiq və nəbzinizə müntəzəm olaraq nəzarət edin.
Günümüzdə marketlər bir çox effektiv immunitet gücləndirən məhsullar təklif edir. Bəs immunitet sisteminizi süni olaraq gücləndirmək yaxşıdırmı? Əsasən, immunitet sistemi çox sayda bir-birindən asılı hüceyrə qrupundan ibarət olan bir sistemdir və ancaq sistem daxilindəki bütün proseslər kifayət qədər balanslı olanda düzgün işləyir. Sistem içindəki tək bir hüceyrə qrupunun da hiperstimulyasiyası sistemin tarazlığını pozaraq funksiyasına mənfi təsir göstərə bilər.
