29 марта 2024

16 октября 2019 11:52

Zeytun yağı xərçəngin qarşısını alır

  • Zeytun Yağının Ürək-Damar Sisteminə Faydası 

  • Aralıq dənizi sahili ölkələrində yaşayan insanlarda ürək-damar xəstəliklərinə az rast gəlinməsi alimlərin diqqətini  çəkmişdir. Aparılmış elmi araşdırmalar ilə zeytun yağının ürək-damar xəstəliklərinin qarşısını aldığı sübut edilmişdir.Zeytun yağı damarların divarına yapışan pis xolesterolun (LDL) miqdarını aşağı salır, müsbət xasiyyətli xolesterolu isə  (HDL) yüksəldir. Qanda laxtalanmanı azaldır, beləcə damarlarda tıxanma  riski aşağı düşür. Bundan başqa, zeytun yağı yüksək təzyiqin qarşısının alınması baxımından da müsbət təsir edir. Zeytun yağı istehlak edən şəxslərdə qan təzyiqinin daha aşağı olduğu bilinir. 

  • Zeytun Yağı Yaşlanmanı Gecikdirir 

  • Tərkibində  E vitaminlərinin yüksək olması hüceyrə strukturlarının qorunmasını təmin edir və hüceyrələrin dağılmasını (ölməsini) yavaşladır. Tərkibindı olan yüksək miqdarda polifenol birləşmələri sayəsində hüceyrənin zədələnməsinin qarşısını alır. 

  • Zeytun Yağının Həzm Sisteminə Faydası 

  • Zeytun yağı həzm sistemində yaranan bir çox problemləri (qəbizlik, köp ve.s) aradan qaldırır və həzm prosesini sürətləndirərək, metabolik sürəti artırır. Unutmayaq ki, həzm sistemi (bağırsaq) ikinci beyin sayılır. 

  • Zeytun Yağı Kökəlməyin qarşısını alır 

  • Zeytun yağının tərkibində olan böyük miqdarda monodoymamış yağ turşuları və antioksidant maddələr sayəsində artıq çəkinin yaranmasına səbəb olmaz. Çünki monodoymamış yağ turşuları metabolik sürəti çox yüksəkdir 

  • Zeytun Yağı Tip 2 Diabetin Yaranmasının Qarşısını Alır 

  • Aparılan bir çox araşdırmada zeytun yağı yeməkdən sonra  qanda şəkərin miqdarının artmasının qarşısı aldığı öyrənilmişdir. Davamlı zeytun yağ istifadəsi, orqanizmin insulinə qarşı müqavimətini azaldır. Bu xəstəliyə tutulmaması üçün və ya bu xəstəliyə tutulan insanların zeytun yağının davamlı istifadə edilməsi məsləhət görülür. 

  • Antioksidant Maddələrin Sayəsində Sərbəst Radikalları Zərərsizləşdirərək Xərçəng Xəstəliyin Qarşısını Alır  

  • Zeytun yağı antioksidant maddələrlə zəngindir. Belə ki, antioksidant maddələr insan orqanizmi üçün çox faydalı maddələr olub, insan orqanizmin kənar təsirlərdən qoruyur, orqanizmin immun qabiliyyətini yüksəldir, sərbəst radikallara qarşı müqavimət yaradaraq orqanizmi yarana biləcək pis xəstəliklərdən (xərçəng, diabet)  qoruyur. 

  • Müellifdən son söz: Zeytun yağı maye qızıldır, bu qızılın qədrini bilək və mətbəximizdən əksik etməyək. 

Tural Babayev 

Sağlam Qida Eksperti 


Просмотров: 1 595

ПОХОЖИЕ СТАТЬИ