Caspian Vogue blogu. Rahat geyim - FOTO

Short - Zara

Espadrilles - Toms

Bag - Celine
Accessorise - Agatha Paris

Watches - Yargici

Salam. Uzatmadan birbaşa bugünki geyimim haqqında danışmaq istəyirəm, yəni keçirəm mətləbə.

Bu gün iki çox gözəl xanımla görüşüm var idi. Hər zamankı kimi planım hazır idi. Havanın bu gün çox isti keçməsi mənim geyim seçimimdə problem yaratmadı. Şort, rahat köynək və bütün gün ayaq üstə yorulmadan durmaq üçün rahat ayaqqabı.

Xanımlarla nəzərdə tutduğum bir saatlıq görüş o qədər gözəl keçdi ki, 2 saatdan artıq vaxt necə keçdi, heç xəbərim olmadı. Və olan oldu - makiyaja gecikdim və bu gün sizə hazırladığım geyimi geyinə bilmədim. Çünki artıq məni fotoqrafım gözləyirdi. Əslində 15 dəqiqə gecikmə ilə alınardı, amma o an ağlıma bir fikir gəldi. Həmişə təbiilikdən söz açıram sizə (blogumun ilk postunda olduğu kimi), bu gün də yenə sadə, olduğum kimi qarşınıza çıxmağa qərar verdim. Bəli, xanımlar, bu istidə, inanın, işlərin dalınca qaçarkən bundan rahat geyim ola bilməz.