Saçlarınızın sağlamlığını təhlükə altına qoymadan, saçlarınızı gözəl şəkildə düzləşdirmək üçün məsləhətlərə əməl edin.
Saç düzləşdiriciləri işə yarayır, lakin nəticədə saçlarınızı quru və solğun etməklə, onları zədələyirsiniz. Saçları zədələyən hərarətdən istifadə etmədən, eyni nəticələrə nail olmaq üçün başqa çıxış yolları da var. Unutmayın ki, saçlarınızı ehtiyatla və hərtəfərli qurulamalısınız, çünki əlavə nəm qıvrılmaya səbəb olur. Yüksək hərarətli fendən istifadə etməkdən qaçın, çünki temperatur saç telinin zədələnməsinə və parlaqlığın itməsinə səbəb ola bilər.
Beləliklə, saç düzləşdirici fendən istifadə etmədən, gözəl düz saçlar əldə etməyin üç sağlam yolu var.
1. Saçlara Qulluq Rejiminin Hər Mərhələsində Düzləşdirici Məhsullardan İstifadə Edin
Uzunmüddətli qalıcılıq üün hazırlanmış şampunlar, kondisionerlər, maskalar və yaxalanması tələb olunmayan kremlər güclü nəmləndirici təsirə malikdir, çünki qıvrımlıq quruluğa səbəb olur. Quru saçlar hamar olmaq əvəzinə, pulcuqlu və cod olan nizamsız səthə malikdir.
Saçlara qulluq rejiminizə fenləməzdən əvvəl nəm və ya quru saçlarınıza Pantene Arqan yağı terapiyası kolleksiyasından istifadə etmənizi tövsiyə edirik.
2. Düzgün Daraqdan İstifadə Edin
Professional şəkildə darama üçün düzgün darağa ehtiyacınız var: müxtəlif hündürlükdə neylon ucların əvəzinə, hamar, təbii materialdan hazırlanmış tikanları olan daraq. Bu daraq asanlıqla statik elektriklənməni dayandıracaq və eyni zamanda sadəcə bir addımda saçlarınızın dolaşıqlarını açacaq və onları hamarlayacaq.
Saçlarınızı dibindən uclarına doğru, fenin hərəkətini izləməklə və başlıqdan çıxan havanı yuxarıdan aşağıya istiqamətləndirməklə darayın. Dibdən uclara getməklə, saç tellərinizin hamısına toxunur və pulcuqların açılmasının və saçın parlaqlığının itməsinin qarşısını alırsınız.
3. Heç Vaxt İtməyən Parlaqlıq üçün Saçlarınızı Şəkilləndirin
Saçlarınızın şəkilləndirilməsi uzunmüddətli hamarlıq üçün vacibdir. Sadəcə kifayət qədər saç spreyini saçlarınızı örtəcək şəkildə tətbiq edin, lakin aşağı çəkməyin.
Əgər saç düzləşdiricisindən istifadəyə meyllisinizsə, zədəni minimuma endirmək üçün hər hissəni cəld hərəkətlə düzləşdirməyə çalışın ki, istilik bir yerdə çox cəmləşməsin.
Sağlam və düz saçlar üçün başqa məsləhətləriniz varmı? Onları aşağıdakı şərhlərdə bizə bildirin!